fredag 29. mars 2013

I ein sofa frå IKEA

I innlegget om pappkassene avslørte eg ikkje kva vi hadde kjøpt på IKEA. Eg er heilt sikker på at det sitt ein heil flokk og ventar i spenning på kva det kan vere. Det har nok vore søvnlause netter og store veddemål for desse som har venta. Men no altså, eg skal avsløre den stooore overraskelsen. Den som eigentleg berre vi som bur her og dei som kjem på besøk har glede av å vite. Eg er likevel så glad for at det har skjedd at eg må seie det til heile verda. Ja for eg er veldig nøgd akkurat no. Vi har fått oss ny sofa! To faktisk.
Denne sofaen, ja då tenker eg på den største, har opplevd mange mil på sykkel. Det har vore mange minutt, timar og døgn med fotball, ski, naturprogram og det meste om 2.verdenskrig. Ein del måltid har vore inntatt her, nokre timar med søvn og ikkje minst "mykje lått og løye" som dei seier her. Den minste sofaen har no fått bein å gå på den og. Det er her eg leitar etter strikkepinnar som har forsvunne. Som dokke sikkert skjønnar, desse sofaene var godt brukt. Det var på høg tid å skifte dei ut etter ni år i teneste. Ikkje var dei fine heller då dei etterkvart gjekk i eitt med papirposane frå IKEA. Ein farge som ikkje passa til noko og som iallefall ikkje kunne visast på bloggen.
IKEA hadde sofaen ingen andre hadde. Ektorp er kjent for mange og det er kanskje ikkje så rart då trekka kan vaskast. Det var ingen andre som hadde ein vaskbar sofa så valget vart enkelt. Nei, skinnsofa var ikkje eit alternativ for dei som tenker på det. Eg er ikkje ein tilhengar av lakk og lær. På nokon slags måte...
Konsekvensen av å få ny sofa er at det ikkje lenger er lov å ete i sofaen, men fjernsynet står framleis på same plassen. Og kva gjer borna då? Jau dei sitt på golvet og et. Er dette forsvarleg barneoppdraging? Det vil eg nok tru. Det er iallefall ikkje ulovleg, men eg hadde sjølvsagt foretrukke at dei satt ved kjøkenbordet.

Eg har forresten meir å vise dokke frå handleturen på IKEA. Medan andre reiser over landegrensa på svenskehandel, handlar vi svenske varer på vårt vis. IKEA er berre 25 minutt frå oss og det kan gå hardt ut over lommeboka når ein tek turen. Likevel, vi er veldig nøgd med det andre vi har kjøpt og. Dokke får starte veddemålet om kva det kan vere, men dokke treng ikkje sitte oppe om natta og vente. Så spennande er det ikkje.

3 kommentarer:

Kathrine sa...

Gratulerer med flott ny sofa!!
Det ble ordentlig fint med den nye fargen og mer spenst i sofaputene :)
God påske til dere!

Florisa sa...

Kjempefint med den nye sofen, den passet veldig godt inn :)

Florisa sa...

Kjempefint med den nye sofen, den passet veldig godt inn :)