mandag 1. april 2013

Nytt liv på mandag

Så er det siste dag i påska. Det kjennes som søndag og eg tillet meg å ete det eg vil for imorgon skal eg starte eit nytt og betre liv. Då skal eg slutte å ete snop, ete meir grønsaker og eg skal byrje å trene. Eg har lest bloggar, artiklar, sett tv-program og verkeleg kjent at NO er eg motivert! Den buksa eg kjøpte ifjor som enno ikkje passar har eg endeleg tenkt å få på meg. Berre vent, eg er så motivert at eg aldri har kjent maken. Eg har laga matplan, eg har laga treningsplan og eg har rydda ut av huset alt som kan minne om usunt. Ja det kan verkeleg ikkje gå gale denne gongen. Det er berre så synd at dette skjer kvar mandag.
Dette er beviset på at eg trenar. Iallefall at eg er medlem av eit treningsstudio. Det er ikkje noko gale med treningsstudioet, det manglar heller ikkje på tid til å trene. Det er ingen som står i døra og stoppar meg. Dørstokken ligg flat og fin på bakken og eg kan lett trakke over han. Eg manglar heller ikkje motivasjon. Klart eg vil trene, vere i god form, få på meg buksa som eg kjøpte ifjor, få meir overskudd og vere ein del av gjengen. Gjengen som går på treningsstudio. Gjengen som drikk av vannflasker over alt kor dei går og gjengen som har neonrosa treningstopp på seg når dei går på butikken.

Eg kan skulde på lite søvn, mykje husarbeid og manglande overskot. Alt dette stemmer, men det er ikkje det, det er viljen. Eg har vondt i viljen! Jaudå, det er klart eg vil trene, men helst skulle eg ha vore i god form i utgangspunktet, sett bra ut og drukke vatn over alt kor eg går allereie!

Eg jobbar i ein bransje kor vi går på kurs for å motivere. Enkelte har vidareutdanning i dette då vi skal vere ekspertar på korleis vi får andre til å ville endre kurs i livet. Vi har mange gode oppskrifter og metodar og vi testar dei ut på oss sjølve i rollespel. Det endar opp med at vi ler av oss sjølve for vi er ikkje eit spor betre på viljestyrken enn alle andre. Eg har til og med kursbevis innanfor dette utan at det får meg meir på trening.

I april har eg avgjort med meg sjølv at eg skal sette av to kveldar i veka til trening og eg skal vere litt mindre på klubbar og arrangement i bygda kor det vert servert kaker. Og når mai kjem vil det vise seg om dette berre er ein aprilspøk eller ikkje.

8 kommentarer:

Marte sa...

Lykke til! :))

Jatte sa...

Hei på deg!!

Så moro å lese hvor motivert du er, dette klarer du!:) Jeg har selv startet på igjen med å bli kvitt de siste kiloene mine, og gått ned 4 kg på 2 uker :D

LYKKE TIL!

Ha en fin ny uke,
Klemmer fra Jatte♥

Pssst.. en en give away inne hos meg om du vil være med :)

Grethe Ly sa...

Lykke til med treningen!

Mallemolin sa...

Eg heier på deg! Og send gjerne litt motivasjon om du finn den !;)

Bratte Bakka sa...

herleg! Kjenner med SO att her.
Håpar det går denne gongen!

Ynskjer deg ei herleg ny veke!

Ann-Kristin sa...

Trene sammen? :)
Jeg prøver å ikke henge meg opp i nye starter, eller mandager. Klarer jeg det ikke på en torsdag, så klarer jeg det ikke på en mandag heller. :)

Kathrine sa...

Lykke til! Vi begynte i januar og held på fortsatt. To ganger i uka på senter med andre svette småbarnsmødre. Artig og godt!

Kaspara sa...

Heisan
Hi,hi... kjenner den mandags-starten igjen, men jeg har ingen bevis å skilte med da!
Lykke til, masse motivasjon er bra! Dette klarer du!
Klem fra Kaspara