fredag 24. april 2009

Tova hue nok ein gong

Ei ny hue frå same mønster som forrige innlegg med berre små justeringar. Diverre har eg vore litt for hardhendt med ho, for den vart tova litt for mykje i maskina. Den er for liten til Malin med andre ord, og er kun til vinterbruk. Det viktigaste var likevel at restegarn er brukt opp...
60 grader var litt i overkant av kva denne hua trengte...

søndag 19. april 2009

Rask og enkel hue i finullgarn

Eg har framleis eit håp om å kvitte meg med det meste av restegarnet mitt. Eg har ein del tovegarn frå den perioda toving var veldig moderne, og eg har forsøkt å få vekk noko av det med å strikke den hua. Den er strikka i Rauma finullgarn og er tova i maskin etterpå. Litt lite toving synest eg, kanskje eg tovar ein gong til.
Modellen på biletet har noko ufrivilleg på seg denne hua, men det visast at det er hekla ein picotkant nederst. Garnet eg brukte var pt2.
Eg har byrja på hue nr 2 med nokre forbetringar av oppskrifta eg har funne i boka "Strikk og tov" av Gerd Finnanger.

lørdag 18. april 2009

Ein herleg vårdag

Allereie når vi vakna tidleg idag, strålte sola gjennom glaset. Det har vore ein heilt fantastisk dag med sol og blå himmel. Litt kald vind innimellom, men til å vere april har det vore heilt topp. Vi har vore ute i heile dag og leika. Espen har sykla ein lang tur. Hjå oss er sola tidleg og den forsvinn ganske tidleg på dagen. Då var vi heldige som vart invitert på ettermiddagssoloppleving og grilling hjå Ole André og Maren.
Dette er Maren og Ole André sitt daglege skue. Sola lyste så bileta mine er kvite. Når vinden slutta å blåse vart det ganske bra å sitje på terrassen deira. Den første grillinga for året fekk vi til, og no er det berre å vente til det vert grønt.
Meir av utsikta. Ein kan aldri verte lei å sjå ut av stoveglaset her. Fekk kjensle av påske og høgfjellsol :-)
Sandra og Maren. Bileta er som sagt veldig lyse og det var vanskeleg å ta bilete når eg ikkje såg noko. Dette bilete viser at vi grilla og åt iallefall.

To herlege jenter. Det skiljer 9 månadar mellom dei, men dei koste seg ilag. No har Sandra nettopp byrja i barnehagen til Malin, så det vert nok eit godt bekjentskap etterkvart.

mandag 13. april 2009

Kvardagsliv ute og inne

Eg er høgst fråværande på bloggen for tida, ja til og med på internett forøvrig. Derfor kjem det no eit innlegg som kan oppsummere litt av det som vi har finne på dei siste to vekene. Det ber preg av at det er vår og at vi er mykje ute. Malin er i full aktivitet, og mor og far i huset er slitne. Når ho har lagt seg, er det ikkje blogging eg tenkjer på først.
Bøtte og spade er to reiskapar som Malin brukar flittig. Ho finn seg litt grus eller litt sand som ho spadar i. Den vesle bøtta fyller ho, tømmer, og fyller. Så et ho litt på steinane, smakar litt på grusen, og rotar litt med hendene ned i den skitne jorda. Alt som det skal vere for ei jente på 19 månadar.
Vaske opp har vorte ein populær aktivtet. Det er ikkje råd å få stå ved vasken aleine lenger. Oppvaskkosten, skummet og vatnet er veldig spennande. Eg kan ikkje stoppe henne heilt heller, eg vil sjølvsagt stimulere henne til å gjere husarbeid :-)
Å henge å dingle med beina bak sofaen er også morsomt. Den store magen hennar stoppar henne frå å dette ned.
Når det er fint vær er det om å gjere å vere mest mogleg ute. Vi har asfalt rett utanfor huset og ein trafikert veg like ved. Derfor passar det fint at det er ein liten leikeplass opp i feltet her. Desse gyngehestane var kjekke.
Aud-Marte og Ola har vore påskeferie i Bergen og tok turen innom oss. Sonen deira Vegard er 11 månadar og er ein skjønn liten gut. Malin følte først ein viss trussel når han kom, ho skulle trass alt vokte over tinga sine, men etterkvart kom dei godt overens. Ho var heilt utslitt når dei gjekk.
Vi fekk besøk av pappa, Lene og Jonas i tre dagar. Jonas er onkelen til Malin og fyller 9 år i juni. Han er ein kjempeflink onkel. Han tar seg slik av Malin at vi andre kan slappe av. Han leikar med henne, passar på henne og hjelper til. Han er umåteleg stolt av henne, og Malin likar Jonas utruleg godt.
Været var ikkje av det beste når dei var her, men onsdagen var fin. Ein liten tur til næraste barnehage fekk vi tid til. Både Malin og Jonas trengte å lufte seg litt.
Jonas hjelper Malin med å reie (disse, huske, gynge,fausa om du vil)
Vi kjøpte ein sykkeltilhengjar i haust på opphørssalg. No fekk Espen endeleg montert den til sykkelen og dei to tok seg ein tur. Malin lo og fryda seg. Dette var kjekt! Eg har dessverre ikkje sykkel, men det er på ønskjelista. Tenk kor kjekt det hadde vore med sykkeltur for alle tre.
Siste bilete er tatt idag. Malin har vorte svært opptatt av ein gammal mobiltelefon som ho har fått.

Vi har hatt strålande vèr og var ute i heile dag. Mor til Espen er på besøk, så vi har vore hjå bestefaren på Burkeland veldig mykje dei siste dagane. Det er heilt herleg, og eg har ikkje lyst på jobb igjen imorgon. Påska skulle vart ei veke til, men slik er det vel for alle.

onsdag 1. april 2009

To nye sider til Malin sin album

Det er ikkje så ofte eg tek fram papir, bileter og scrappeutstyr. Det skal likevel gjerast og igår tok eg meg saman og laga to sider av det materialet eg hadde. Eg har ikkje så mykje utstyr og ikkje har eg god tilgang til scrappebutikkar, men det vart no greitt likevel.
Badeglede er kun pynta med papir i ulike fargar. Skrifta har eg klipt ut for hand og det tok lang tid å lage den. Eg hadde nokre blomar i grønt av papir kor ein av dei vart brukt her. Det er ikkje så viktig for meg å ha det så fancy og avansert, det viktigaste er at sidene lagar litt liv og at kvar enkelt side er unik. Valget av raudt og grønt papir har bakgrunn i at leikene i baljen er av desse fargane. Situasjonen på bileta er ganske unik også. Det er ikkje ofte Malin har likt å bade, men denne dagen var vi heldige som hadde kamera med.
Å bake pepperkaker synest Malin var kjempekjekt. Eg har valgt stripete ark fordi puta i stolen til Malin er stripete og ganske lik arket. Det prikkete arket skal gjenspegle nonstopen på pepperkakehuset. Eg er ikkje så nøgd med skrifta på biletet, men eg var så lei på slutten at det vart som det vart.