lørdag 4. mai 2013

Skrømt og uhygge

Eg manglar litt idear på overskrifter, eg skal innrømme det, men det er ganske skremmande det som skjer utanfor stovedøra akkurat no. Eller rettare sagt, det skjer nesten ingenting. Våren er sein og vinteren som skulle vere her i januar/februar kom i april/mai. Og kva kan ein gjere? Klage si naud på facebook og på bloggen, samt vente. 
Bilete er tatt igår. Då måtte eg halde borna heime frå barnehagen fordi eg ikkje kunne køyre på sommardekk. Vi bur i eit mildt klima og korleis det såg ut hjå oss ifjor på same tid kan du sjå her. Stor forskjell. I år har ikkje ein einaste blome stukke nasa opp, berre ei stakkars snøklokke som fraus ihjel av heile greia.
Dette er bedet utanfor huset no. Ikkje mykje å skryte av. Eg gadd ikkje gå ut i hagen for å ta skikkelege bileter ein gong. Eg lurer på om mykje av laukplantene har dauda. Eg kjente ein stein i magen då eg skreiv det, får håpe det meste har overlevd.

Det som eg kan seie av kjekke nyheiter er at eg og borna tok turen med fly til Volda idag. No skal vi kose oss i kalde omgjevnadar i ei veke. Isen har akkurat brote opp på vatnet og fjella er framleis kledde med snø. Det stoppar ikkje oss frå å kose oss. God helg!

3 kommentarer:

Frihet sa...

Så hyggelig at du klikket deg inn til meg! Legger meg til som følger.

Fru Andersen sa...

Trodde ikke mine egne øyne da jeg klikket meg inn på bt.no og så snøkaoset på vestlandet. Kjipe greier! Får håpe snøen er borte nå, at dere kommer ned med bilen og at du snart kan plante alle de flotte staudene dine ut i vårvarm jord.

Herlig bilde av deg og ungene under her!

Klem og god natt!


PS: Ser at lillesøsteren min har kommentert over her. I tillegg til henne og meg er det enda en bloggende søster i familien vår ;-)

Kathrine sa...

Woæææ jeg var en snartur på Østlandet og gikk glipp av snøfallet hos oss heldigvis! Men ikke mye vår å skryte av enda gitt :-(