onsdag 24. mars 2010

Kloakk kvakk

No er det fire dagar sidan vi oppdaga at rørleggaren ikkje har kobla avløpsrør mellom hus og Biovacen (septikktank). Ein skulle tru at noko slikt hastar og at husfirma, rørleggar osv ville gjere sitt for å hjelpe oss med å ordne opp i dette, men neida. Her kjem litt om kva som har hendt sidan laurdag (innlegget er langt).

Mandagsmorgon ringte byggekontrolløren ved Florvåg Bruk AS oss då han visste at vi hadde fått problemer. Han hadde aldri høyrt at noko slikt hadde skjedd før, og ville sjølvsagt bistå for at det skulle verte ordna. Dette måtte ordnast utan at det skulle koste oss noko, sa han. Han ba oss om å skrive ein mail til Askøy Varme og Bad med ein kopi til han. I mailen forklarte vi kva som hadde hendt, at vi trudde alt var i orden fordi rørleggaren som var på huset hadde sagt at alt var i orden, og at vi var sjokkerte fordi det ikkje hadde vorte sagt noko om manglar verken til oss eller i kontrollerklæringa.

Kort tid etter mottek Espen ein telefon frå Askøy Varme og Bad. Dei sa at dei ikkje hadde fått noko bestilling på at avløpsrøret skulle koblast til tanken. Vidare sa dei at vi kunne ikkje snakke med rørleggaren som gjekk her ute om kva som skulle gjerast og kva som hadde vore gjort. Alt måtte gå gjennom kontoret på Askøy. Vi kunne likevel ta kontakt med dei dersom noko skulle gjerast, men slik saken sto no meinte dei at dei ikkje hadde noko ansvar for at kloakken rann ut i hagen.

Etter denne telefonen vart eg mildt sagt provosert. Det dei seier indirekte er at alt eg har sagt er løgn. At vi ikkje har snakka ilag om koblinga mellom hus og tanken osv. Så eg sender dei ein mail kor eg forklarar kor skuffa eg er over at dei ikkje beklager seg eller er villeg til å sjå kor opplagt det er at vi ønskjer kobling mellom hus og tank. Eg minna dei også på at dei har gjort grove feil her på huset før så det er sannsynleg at dette kunne skje.

Ut på dagen viser det seg at Florvåg Bruk AS ikkje støttar oss likevel og gir eigentleg blaffen i heile greiene. Dei meiner at vi burde heller finne ei løysing på problemet istaden for å henge oss opp i kven som har skulda for kva. Eg ringer eit anna rørleggerfirma som ikkje vil ta på seg ansvar fordi det står i papira hjå kommunen at Askøy Varme og Bad/Florvåg Bruk AS står ansvarleg. Dei vil vi snakkar med kommunen først. Ikkje enkelt dette her…

Eg ringer kommunen ved saksbehandler på byggesaksavdelinga som også har utført ferdigattesten. Han er mildt sagt oppgitt og kjem på synfaring kort tid etter telefonsamtalen. Han tek bileter, ristar på hovudet og seier at han aldri har opplevd maken i sine 40 år som byggesaksbehandlar. Han går tilbake til kontoret, drøftar det med kollegaer og ringer og fortel at det er heilt opplagt at Askøy VB og Florvåg B har eit ansvar her. Dei vil sende dei eit brev med krav om å følgje opp saka og avslutte arbeidet hjå oss. Han viser til byggjetilltatelsen.

I går skjedde det ingenting. Vi ringer Askøy VB, men dei svarer ikkje. Nok ein mail sendast til Askøy VB. Vi ber dei om å kome og gjere jobben då kommunen har pålagt dei dette osv. Florvåg B vert orienterte, men bryr seg ikkje i korte trekk.

I dag tidleg fekk eg telefon frå Askøy VB. Dei blånektar framleis på at dei har gjort noko gale og kjem med tusen unnskyldningar som eg ikkje gidd og nevne. Dei seier dei aldri har sendt nokon utsleppstillatelse og at det er den som har gjort dette som har ansvar. Vi vert likevel samde om at dei tek seg ein tur hit og ordnar problemet fortast mogleg sidan dei også skal ordne på eit par ting vi har reklamert på. Dei kjem altså på fredag. Eg ringer kommunen og orienterer dei om kva som er vorte sagt av Askøy VB. Dette provoserer mildt sagt saksbehandlaren og han kjem med nokre saftige gloser, trekker seg opp og viser til administrasjonsvedtaket kor det er klart og tydeleg kven som har ansvar. Og det stemmer, ansvaret ligg hjå rørleggaren eller Florvåg Bruk. Saksbehandler i kommunen ber oss om å orientere dei om at dei vil få eit brev. Eg ringer Florvåg Bruk igjen, og dei seier no at det kan godt hende det kjem fram at dei har eit ansvar og at utlegg i forbindelse med dette vil verte refundert. Dei ventar likevel til saka har fått ei løysing og gjer ikkje noko meir med dette. Snakk om arroganse!

Så her sitt vi utan at noko har skjedd. Vi må vente til fredag før arbeidet vert utført. Kven som skal betale rekninga for han som kom laurdag og hadde årets kjappaste jobb, er framleis usikkert. Ære vere Espen som spadde vekk kloakken i går, det var ikkje lekkert altså. Eg har også observert mus så det er ikkje så triveleg her akkurat no. Eg håpar det snart tek slutt med alle konfliktene som dukkar opp, vi byrjar og verte ganske slitne. Dersom du skal byggje hus og må nytte privat vatn og kloakk, så ta kontakt. Vi har mange råd og gi deg.

4 kommentarer:

Lakka sa...

Huff, jeg blir helt oppgitt på deres vegne...;-( At det går ann!!!! Skjønner godt at dere blir sinte. Stå på krava!

Vi har forresten også privat vann og kloakk... Noen tips sa du?

Lakka sa...

Rørleggeren vår leverer også kloakkanlegget, så dersom han ikke klarer å koble den innvendige jobben med den utvendige blir jeg mildt sagt sjokkert! Men når en ser hva som har skjedd med dere så er det kanskje best å være på vakt ja...

Takk for tips til vasken! Det er mannen som er oppvasksjef hos oss, så jeg bringer beskjeden videre;-)

Kathrine sa...

å herre min hatt sof ei SUPPE mildest talt, jeg hadde eksplodert og røska tak i den første og beste jeg fant....tenkt på å snakke med avisa? De har vel en lokalavis? hehe :) det bruke rå få slike useriøse firma til å endre litt på haldningene....

Hvit Pepper sa...

Det er kjellertegninga som er på nederste bildet ja:)
Så godt å høre dere er fornøyde med planløsninga:)
Vi kikket igrunn bare etter hus, med den tilnærma planløsningen, var det vi hadde funnet ut var det optimale for oss.
Tror vi skal bli fornøyde med gang/ vaskeromsløsningen også.:)

Sjokkerende og skremmende lesning..
En skulle tro de kunne behandle kundene litt bedre, et hus er ikke akkurat billig..

Må si meg enig med grankongla- Livet på Bolstad her, dere har ikke vurdert å ta det videre til lokalavisa da? Kan hende det er nok å true de med det..alle rundt der burde virkelig vite få vite hvor dårlig både rørlegger og husfirmaet oppfører seg..
Enda godt at dere har en flink mann i kommunen, som i det minste tar dere alvorlig:)

Håper saken ordner seg for dere:)
God påske til dere, håper dere klarer å nyte den tross alle problemene:)