søndag 7. mars 2010

Full rulle og Malin sitt rom

Ein sluttar ikkje å arbeide sjølv om ein har flytta inn i nytt hus, tvert imot. Dagane flyr avgårde til barnepass, husarbeid og ordning av huset. Det går og ein del tid til måking av snø... Eg har derfor ikkje blogga så mykje som eg har ønska og det vert nok ei lita stund til før vi har kome i orden. Vi manglar hyller først og fremst, og snøen må vekk frå vegen før vi kan kjøpe dei. Elles har vi barnedåp på søndag og det er mykje som skal bakast og ordnast til den tid.
Leik og moro i heimen. Dette er vel det beste bilete dokke får sjå av meg. Eg egnar meg ikkje på bilete akkurat no. Eg har ein glansvask som har stått på vasken ei veke no, men som eg ikkje har fått tid til å ha i håret. Gensarane er alltid full i gulp og joggebuksene utvaska.
Malin slit framleis med foten sin etter tre veker. Ho går på han, men ho haltar og støtter seg alltid til noko. Vi skal på kontroll på onsdag med ho fordi ho drar etter med eine foten heile tida. Greit å få sjekka det.
Det er ikkje så store snøfall akkurat no. Dei varme gradene har kome tilbake etter tre månadar fråvær, og snøen er tung. Derfor har det vore snømåking på taka hjå naboane. Vi har så nytt hus at vi slepp slikt heldigvis.
Emil er stort sett i godt humør, men akkurat no er han veldig forkjøla og grin lett. Han søv dårlig og er ikkje fornøgd med tilværelsen. Heldigvis har han ikkje feber.
Tv-signala har ikkje vore lette å få inn her. Espen har vore i stigen og justert parabolen kvar dag i to veker no, men laurdag fekk han nok og tok fram motorsaga. Malin ser på sin oppgitte far frå soveromsvindauget.
Etter at trea vart tatt, auka tv-signala frå 39% til 75%. Så om du har problemer med signala, kan dette vere ei løysing. Med mindre du har eit hus framfor deg då...
Eg klarer ikkje å få heile huset i orden, det er så mykje smådill som ikkje har sin eigen plass. Malin sitt rom er vel det rommet som er mest ferdig.
Malin har sengehimmel over senga for då verkar ikkje rommet så stort. Ho er jo vant med å sove i eitt kott stakkar. Ho kosar seg iallefall inni der.
På rommet sparkar vi ball, leikar i teltet, les bok og drikk "kaffi". Ho er så stolt av rommet sitt som inneheld stort sett møblar og ting frå IKEA. Planen er å få litt bilete på veggane.
Det er ikkje så verst å vere på kafé hjå Malin som har eit fint lite vindauge ein kan sjå ut av. Garderobeskapet har eg tatt ut og heller valgt og ha kleda til borna i kommode. Listene skal malast snart og taket skal malast til våren neste år.

Det var eit lite livsteikn frå meg. Eg kjem sterkare tilbake når alle er friske, dåpen er overstått og snøen er vekke.

4 kommentarer:

Kathrine sa...

Så koselig dere får det - herlighet! MEn gud for en jobb å få alt på plass når en har to søte små.....Lykke til!!

Anonym sa...

Kor nydelig rommet til Malin er!! Gler meg til å sjå både det og resten "live"! Berre so synd med all snøen og isen. Får håpe på sønnavind og regn etterkvart så ting blir litt lettare for einkvar ;o)
Klem Lene

Anka sa...

Hei:) Så flott barnerommet ble. Syns det var utrolig koselig med det lille bordet og to små stoler under det lille vinduet:) Kan tenke meg det er stas å sove i så fin seng. Dere får det så fint! Så bra at det hjalp å få vekk det treet. Irriterenes med dårlige tv signaler... Natta hilsen fra meg:)

Stina sa...

Så fint det ser ut.:-) Kram Stina