onsdag 27. januar 2010

Bad- og kjøkkenbelysning

Kor vanskeleg kan det vere å kjøpe nokre lampar, har eg tenkt. Det er vel berre å stikke innom IKEA eller Living og så finn eg nokre lampar til badet og kjøkkenet. Neida, slik var det visst ikkje. For det første så er det eigne lampar for badrom. Det visste eg ikkje. For det andre så er utvalet veldig dårleg. Det visste eg heller ikkje. For det tredje så er det ikkje så vanleg med stikkontakt i baderomslampar lenger. Kvifor ikkje??
Lampen over kjøpte vi tre stykker av. Det er ein enkel plafond som skal vere i taket på begge bada og vaskerommet. Den er kjøpt på Living, og ein slik lampe for baderom er ikkje vanskeleg å få tak i. I same stund som vi kjøpte desse, kjøpte vi nokre lysrør som ein kunne koble saman for å ha under kjøkkenbenken ved vasken.
Så var det å finne ein fin baderomslampe som skulle henge over spegelen på det store badet. Det skulle ikkje vere enkelt! Både Bohus og Living har ein type som liknar på den over med litt andre kupplar, men den hadde vi i den forrige leiligheta vi budde i og det var skikkeleg dårleg kvalitet. Etter å ha tråla mange butikkar, fant eg denne som du ser over. Eg valgte ein slik med berre to kupplar. Den er frå Bedin og har dimmar. Fornøgd med den når eg endeleg fant den på Lyshuset i Åsane.Det har alltid vorte solgt kjøkkenbelysning på IKEA med moglegheit for stikkontakt, men sjølvsagt ikkje no lenger når vi trengte det som mest. Det fanns heller ikkje kor som helst, men Lyshuset hadde det og produsenten er SG. Årsaka til at vi måtte ha stikkontakt, er fordi elektriker har gløymt å montere stikkontakt på eine sida av kjøkkenet. Derfor må vi få strømtilførsel gjennom lampe. Dette skal ordnast imorgon. Akkurat no er der ikkje lysmoglegheit i det heile.
Vi teikna ikkje inn ekstra stikkontakt på det vesle badet. Eg hadde tenkt at det var ei lett sak å finne belysning over speil som har det. "Alle" har jo det, tenkte eg. Og jada, du kan få tak i dette kor som helst, visst du vil ha ein lyskastar på badet vel og merke. Det var ikkje vi interessert i, og vi fann ein kjempestilig lampe på Living, men: Utsolgt! Derfor vart det denne frå SG, kjøpt på Lyshuset. Lyshuset vart redninga for oss, men som tips til deg som kanskje har litt betre tid til å finne ein baderomslampe, vil eg seie at det er lurt å vere ute i god tid. På nettet fins det mange fine lampebutikkar. Her er nokre nettadresser:
På desse siden er det mange lampar og velje mellom for badrom. Det er umogleg og klare å vere tidleg ute med alt, men dette vil eg sterkt anbefale og gjere når det gjeld baderomslampar.
Eg har også byrja å tenke på lampar i stova over spisebordet og salongbordet. Eg vil gjerne ha noko som er i den landlege stilen. Eg ser berre krystallkroner eller industriinspirerte lampar overalt, men eg vil ha noko anna enn dette. Har du eit lampetips til meg?

Forøvrig er no eigeninnsatsperioda vår over. Eg merkar det er mange valg som takast i hu og hast, og som dessverre ikkje alltid er dei beste. Til dømes baderomsflisene på golvet oppe og belysning på badet. Det er vel ikkje til å kome utanom for nokon. Det er no eit spørsmål om plass for oppbevaring til slutt, men eg trur at når vi kjem i hus så forsonast eg med det meste. Det er ikkje mange vekene igjen, og denne veka er elektrikar og rørleggar i gang med sluttarbeidet.

2 kommentarer:

Lakka sa...

Tusen takk for supre lampetips!Lamper er kjempevanskelig! Vi har bestilt vegglampetter fra Damixa til å ha på badet. De er i "Tradition" serien, og veldig fine synes jeg:-) Ellers er jeg fortsatt på jakt etter fin taklampe til badet, så nå skal jeg sjekke ut linkene dine;-) Krebs har jo krystallplafond til baderom, men synes det blir litt "over the top" hos oss. Dessuten smelldyre!(Hvis lottoen går inn til helga blir det kanskje denne likevel.. ho ho)

Lampe til å ha over stuebordet og spisebordet er heller ikke lett. Jeg går for lysekrone over spisebordet, er glad i litt glitter og stas. Ellers kan du sjekke ut Bloomingville. De har spennende lamper i landlig stil som ikke nødvendigvis er lysekrone eller industripendel. Disse skjellampene kan jo også være et morsomt alternativ.

Gleder meg til å se hva du ender på! Lykke til:-)

kjersti70 sa...

Takk for tips! Eg syns lampar generelt er heilt umulig. Det finst så mange som rett og slett er stygge. Stygge som fy. Eg har eit stort lampe-problem.