lørdag 24. august 2013

Ja vi elskar flaggstang

Denne blogginga har sklidd heilt ut, men det må eg prøve og gjere noko med. Det er no kjekt å ha slik dagbok. Knipse gjer eg og det i stor skala. Så her kjem siste nytt frå oss.

For snart to månader sidan fylte Espen år. Det var rund dag i år og i det høve vart det arrangert spleiselag på flaggstong. Espen fekk besøk frå nære kjente som ville feire dagen hans. Han sjølv ante ingenting og vart mildt sagt overraska då det sto folk utanfor huset med flaggstang under arma. Det vart forresten ein kjempekjekk kveld, men poenget med flaggstonga var at Espen har ønska seg ei flaggstong lenge. Og med flaggstonga fylgde det med mykje arbeid på Espen.
Utan at eg kan detaljane så handla førebuingane om å grave eit stort hol, bore i fjell, forskale, fundament, støype og ikkje minst tenking. Espen er veldig god på å tenke... Det har altså tatt tid når du er ein mann som skal gjere alt arbeidet. Riktignok har han fått hjelp med støypen og køyring av pukk og sand, men tid har det gått. Men endeleg, han vart ferdig. 
 Seks mann var i aksjon då stonga skulle heisast. Stonga er 12 meter høg og måtte heisast med tau.
Det gjekk på første forsøk. Usikker på kva som hadde skjedd om det ikkje hadde gått på det første forsøket...
Glad for alle som ville hjelpe.
Berre ein ting. Tauet som vart festa på stonga hang fast. Og det var ganske høgt opp. Tenke, tenke. Den første som forsøkte seg nådde ikkje opp. Så skøyta vi på stigen med ein til og med nokre mann på bakken holdt stigen seg stabil nok til at andremann fekk skjært laust tauet.Bingo!
Fagert er landet og ja vi elsker. Hipp hurra for 17.mai og gratulerer med dagen. Dette skal verte kjekt. Den ruvar over bygda, heia oss! Haha! Første dag ut er allereie imorgon då Malin fyller 6 år. Vi gler oss!

1 kommentar:

Fagertun sa...

Det var nok vel verdt innsatsen. En flaggstang er virkelig flott! Ikke bare for dere, men for omgivelsene deres også. Jeg blir alltid så godt humør på flaggdager når det blafrer flagg i vinden :)
Gratulerer til mannen - både med jubileum og innsats!