onsdag 28. januar 2009

Marengsreir med eggekrem og bær

Eg har vore heime idag og igår fordi Malin har vore sjuk. Eg er veldig rastlaus av meg og må ha noko å gjere heile tida. Det er ikkje mangel på husarbeid, men no når eg har vore heime så unner meg litt anna og. Baking er noko eg synest er kjempekjekt, men dessverre medfører det eit auka kaloriforbruk og det vert derfor ikkje så ofte at det skjer. Idag måtte eg berre lage noko, og eg laga ut av det eg hadde.

Marengsreir er laga av 2 eggekviter og 100 gram sukker. Visp eggekviten først, deretter tilsett sukkeret litt og litt til det er oppløyst. Bruk ei kakesprøyte og lag ringar på eit bakepapir. Lag to ringar oppå kvarandre. Sørg for å dekke botnen med litt marengs. Steik reira på 150 grader i 35 minutt. La marengsen avkjølast inni ovnen med open dør.

Lag eggekrem av 2 eggeplommer og 60 gram sukker. Visp saman og tilset 1/2 ss maisenna. Varm 1,25 dl melk i ei panne, kok opp og avkjøl. Tilset melka i egga og visp. Ha alt tilbake i panna og kok opp. La det koke i 3-5 minutt på svak varme til blandinga vert krem.

Ha eggekremen i marengsegga. Ha varma bær oppå. Eg hadde berre jordbær tilgjengeleg, men det kan verte litt søtt. Bringebær, rabarbara, eple o.l er godt. Til eple er kanel i eggekremen godt. Til rabarbara er litt ingefær godt i eggekremen. Du tilsett krydderet når du kokar opp melka.

4 kommentarer:

Anne på Moseplassen sa...

Det så veldig lekkert ut, smart da, minipavlova :)

Ida sa...

Mmm.. dette så ikke bare helt vidunderlig ut - det høres også ut til å smake som en bit av himmelen :-)

Du er flink!

Klemmer

Fivrel sa...

Mm, dette såg godt ut! Flink du er :-)

Eg har ei utfordring til deg i bloggen min, om du har lyst ;-)

Fru Keilegavlen sa...

Mmmmmm...det ser heilt fantastisk ut!!