mandag 9. juni 2014

Avslutning av pinsa på Iseggane

Etter ei flott pinse avslutta eg helga med ein fjelltur til Iseggane. For dei som ikkje veit det så samlar eg på fjelltoppar. Ikkje store og allmektige, men Osterøy sine toppar over 300 meter. Det er 26 av dei trur eg. Og ikveld har eg gått på min sjette så eg har mange att.
Ilag med Åshild køyrde vi til Skår og parkerte bilen ved ein skogsveg som ligg heilt på toppen av bilvegen. Vi fylgde skogsvegen og deretter gjekk vi på ein til tider litt svak sti. Vi passerte ei falleferdig steinbygning og etterkvart byrja stigninga inni skogen. Ved eit skille kor stien deler seg tek ein til høgre og møter rett etterpå nok ei falleferdig steinbygning av eit slag. Sikkert stølshus. Det er enkelt å finne fram og etterkvart kjem du til huset du ser over. Når stien deler seg på toppen av bak dette huset, tek du til høgre igjen og går stien til du kjem til postkassa med boka du kan skrive deg inn i.
 Utsikt mot Sørfjorden med Valestrand til høgre og Breistein til venstre. Midt imot ser du Garnes.
Utsikta mot Nordhordaland er alltid like vakker. Skjærgård, havet og kveldssol.
Hjellvik, Hosanger og Lindås kommune på andre sida av fjorden.
Beviset som eg motvillig publiserer, men det er ei sjølvpåtvungen plikt. Når eg er 70 så synest eg nok at eg ser råflott ut, haha!

Ein fin tur som tok 45 minutt ein veg. Toppen er 374 m.o.h. Den passar til born, men ikkje dei aller minste då det er litt bratt og lause steinar enkelte stadar. Det er ein del myr og våte parti så vanntette sko er nok ein fordel.

2 kommentarer:

MissMette sa...

Nydelige naturbilder, Torill :)
fantastisk vakkert, takk for at
du deler... og så flink du er :)
Jeg er ikke så veldig flink til
å komme meg på fjell, men det
skulle jeg absolutt ha gjort,
samt hatt med kamera :) Ønsker
deg en fortsatt fin kveld, og
ukstart som kommer... Klem fra
Mette

LeneSol sa...

Utrolig fine bilder!
Vært der oppe flere ganger, men aldri gått opp fra Skår. Pleier å gå opp bak Reppen bhg, men er ganske myret og bløtt oppi der.
Looking good på siste bildet:-))