søndag 14. oktober 2012

Haustsol, bålkos og barnearbeid

For eit nydeleg haustvèr vi har no! Endeleg forsvann hauststormane og den våte septembermånaden. Denne helga har vore hektisk med alt frå innkjøp av 9,1 kvm stor utebod til å vere tilskodar av vener som gifta seg. 
Igår tente vi bål bak huset kor Espen har laga ein liten bålplass. Her har vi grilla før og det er alltid koseleg. Ungane leikar både Vennebyen og gøyme og leite. Det er så deilig å bu så fritt i slike høve.
Anna skal tidleg krøkast. Innrøykt og innpakka i bæresele var vi ute ei god stund. Ho sov nesten heile tida inntil meg. Det er litt tungvint med ein sele på magen, men ho søv i det minste...
Idag måtte ungane ut og arbeide. Eg meiner dei treng å lære seg og hjelpe til. Malin var kjempeflink og var til god hjelp, medan Emil vandra rundt i si ega verd. Legg merke til garasjeveggen bak som ikkje er ferdigmåla. Espen har grunna den idag etter å ha venta langt og lenge på tørt vèr. Malingsstrøket tek vi til våren og vi har bestemt at fargen vert raud. Listene vert framleis kvite. Uteboda vi kjøpte igår skal og verte raud med kvite lister. Meir om det ein annan gong.
Å rydde ved med ein unge på magen er lite praktisk og eg kjende det godt i ryggen. Ho sovna heldigvis fort så eg fekk ha ho i vogn. Etter det samarbeidde heile familien om å få veden under tak. Den har stått ute alt for lenge allereie og vert ikkje nytta denne vinteren.

Sist kan eg nevne at vi har igang med å gjere om roterom/gjesterom til prinsesserom. Vi har lova Malin nytt rom denne hausten og fargen vert sjølvsagt rosa. Vi lagar oss stadig nytt arbeid samstundes som vi ønskjer oss meir tid. Vi har visst ikkje forstått samanhengen....

Tjohei til alle!

3 kommentarer:

♥LYKKE♥ Marianne sa...

Koseleg!!! Hausten er deilig ka!?
Sjølvsagt skal rommet vere rosa hehe!
Blimsanden anbefales,ein dag utan masse vind:)

Klem Marianne

Kaspara sa...

Hei Torill
Tusen takk for koselig hilsen!
Så kos med hele familien i sving og med bål! Synes du er tøff som jobber med baby på magen!
Flott ny uke til deg!
Klem fra Kaspara

Kathrine sa...

HSå koselig og så deilig å bære lillegullet på magen!

Artig å se andre som også bærer, her har jeg båret, og bærer fortsatt. praktisk når stallen må flies og guten er våken!