søndag 2. september 2012

På hyttetur

I helga har vi vore i Sogndal på hyttetur. Sogndal er for meg ein gammal kjenning då eg budde her i tre år. Riktignok er det ni år sidan og mykje har skjedd sidan, men kjensla for bygda er der enno.
Hytta ligg oppi dalen og har ei idyllisk utsikt. Vakre fjell og godt vèr gjorde fredagen fullkomen. Vi var så heldige å få vere med Ole André og Maren denne helga og flaks at det vart så varmt og fint.
Ole André og Espen hadde med seg syklar og sykkelvogner og tok ungane med seg til Anastølen. Her er  det stølsdrift om sommaren og folk kan kome for å kjøpe heimelaga brunost, samt vaflar og drikke i kafeen. Alt var stengt no, men geitene var der framleis. Dei var tydeleg vant med folk. Ungane var skeptisk, men det var også veldig spennande.
Naturen er vill og vakker, akkurat slik som eg likar den. Emil koste seg, ingen tvil om det.
Stølen ligg innerst i dalen og bilveg fører heilt fram. Ingen problem for meg å kome hit med barnevogn. Etter turen grilla vi pølser utanfor hytta.
Laurdagen reiste vi til Vesterland leikeland som ligg i Kaupanger. Ungane gledde seg vilt til å reise dit.
Der var fleire sklier, ulike oppblåsbare hoppeslott og klatrestativ.
Litt småleiker for den som ville ta det litt rolig var der også. Emil undersøkte vel det meste av smått og stort.
Det var litt nifst første turen oppe i klatreparadiset, men det gjekk over då første turen var gjort. Emil holdt seg mykje nede på bakkeplanet medan Malin suste rundt overalt.
Malin var godt varm og storfornøgd med dagen. Ungane var der fleire timar. Nesten alle ungane som vi såg forlot leikelandet grein på veg ut døra. Ingen tvil om at dette var kjekt. Både Emil og Malin vil tilbake ein annan gong.
Sjølv om ungane var kjempetrøytte fortsatte dagen i Sogndal sentrum. Vi tok turen på kinarestauranten og åt god mat og vi prøvde trampolinene som er plassert i parken. Litt handling vart det, men det begrensa seg automatisk med fem ungar på slep.

Det var veldig kjekt å kome tilbake etter ni år. Det verka veldig annleis heilt først, men så byrja alt og gjere seg gjenkjenneleg igjen. Sogndal er framleis ei lita bygd og er framleis veldig koseleg. Likevel er det godt å ikkje bu der og berre kome på besøk. Ungane grein då dei skulle heim idag og dei ville vere der lenger. Dei hadde det kjempekjekt og gledar seg til å fortelje barnehagen alt dei har gjort.

3 kommentarer:

MissMette sa...

Hei Torill...
Så fine bilder, og Sogndal ser ut som en kjempefin plass... Her har jeg aldri vært... Flotte bilder av skjønne barn som koser seg også ღ Gratulerer så mye med 5 års dagen til søte Malin ღ herlig...og så fin bæresele du har laget til Anna :) Her hos meg har dagene gått i ett i det siste, og når helgen kom så tror du ikke at jeg ble pjusk da! Ja, ja håper på en bedre dag i morgen :) Ønsker deg en fin, fin ukestart - klem fra Mette

Lina sa...

Så kjekt det såg ut! :) og at ungane var så til dei grader fornøyd - herlig! :D Klart me må treffast ein dag! ♥

Kathrine sa...

Sogndal er jo en så din plass - kan forstå det var kjekt å komme tilbake! ser ut til at dere kosa dere maks!