onsdag 4. april 2012

Garasjebygging i påskesol

Når det er fint vèr må ein kaste frå seg alt som må gjerast inne og gå ut. For dette kan vare kort. Vi fekk snø dalande ned frå himmelen på mandag og temperaturen sank. Snøen forsvann like fort som den kom heldigvis. Natt til tysdag var det stjerneklart og ein vakker måne som lyste opp himmelen. Det var skikkeleg kaldt ute, men det betyr at sola er framme om dagen.  Det var eit herleg vèr utan ei sky å sjå.
Sjølv om vi måtte vente litt før vi kunne gå ut var vi ute i mange timar. Espen og Steffen kledde begge gavlane igår. Eg og ungane holdt på med vårt rundt huset.
Godt samarbeid gir resultat.
Så fort sola er framme vankar det is. Sjølv om det er kaldt hindrar det ikkje ungane å få i seg litt is.
Vinterkledd med is i handa, kva skal dette bety...?
Bilete frå dagen idag. Det første Espen gjorde idag var å reinskjære kantane langs taket. Espen og Steffen har etter dette lagt feder på taket.
På baksida er det ferdig, det er fint å tenke på. Synest det går fort fram no og eg ser at materiale forsvinn litt og litt under presenningen.
Etter dagen idag er det no klart for å feste lekter på taket slik at taksteinen kan leggast. Det har vore sur vind ute i ettermiddag og det skya etterkvart til. Imorgon er det meldt regn så då får vi bruke oss sjølve til noko anna.

Ha ei god påske alle saman. Forhåpentligvis vert det ikkje heilt stille her i høgtidsdagane.

2 kommentarer:

Lykketrollet sa...

Effektiv mann du har! Kjempeflinke! God påske til dere! :-)

Kathrine sa...

Så flyttet dere får jobba på garasjen! Snøen kom hit igjen og etter en uke med bar bakke og her ligger den....