Nødvendig forbetring på badet

Det er litt stille på bloggfronten for tida. Ikkje besøk eg bloggar så mykje og ikkje har eg noko å blogge om sjølv. Det har ei naturleg forklaring; VM på langrenn, hopp og skiskyting. Sjølv om det ikkje vert så produktivt med blogginnlegg eller anna, har eg fått byrja på den store jobben med å male lister. Heile huset har umala lister og badet var først ut.

Eg byrja med det lettaste. Badet har nemleg ikkje golvlister og furutaket ventar vi med til det vert sommar.
Det vart så mykje betre og ikkje var det keisamt heller. Eg har brukt vannbasert maling og var faktisk nøgd med resultatet. Før har eg sverga til oljebasert, men vannbasert er komen for å verte så eg kan likegodt berre nytte det først som sist.Slik såg det ut før. No tenker eg berre at dette kunne eg ha gjort for lenge sidan.
Heilt tilslutt må eg vise dokke Malin som skulle ete pizza ikveld. Ho satt og åt då ho plutseleg sovna. Snakk om å verte utslått av maten...

Endeleg speil! Eller..?

Eg fortset og vise dokke det som vi har venta så lenge på. Som sagt så har vi hatt ein rørleggar på besøk og i tillegg til spegelen på badet nede, har han montert spegel oppe og dusjveggar.
Det er deilig å få dusjveggar, det er det ingen tvil om. Vi måtte legge ein handduk i vindaugskarmen for å ikkje øydelegge malinga, og vi måtte gjere oss så små og tynne som mogleg for å ikkje sprute. Så dette var stas. Varmt og godt er det også. Spegelen er 120x96 cm og viser ALT. Ja dokke kan tenke dokke sjølv. Det er noko som heiter "det ein ikkje veit har ein ikkje vondt av". Ein har kanskje ikkje vondt av å trene, men det er ingen tvil om det står på prioriteringslista heretter.

Mitt vesle bademiljø

Eg har vist utallige bileter av huset medan vi bygde det og ting ikkje var ferdig, men eg har vore treig med å få tatt bileter av sluttresultatet. Noko av grunnen er at vi ikkje har gjort ting ferdig. Det er lett for at det som ikkje hastar vert utsett når det er så mykje som må gjerast på ein gong. Idag skal eg vise dokke badet vi har nede. Eit lite bad med akkurat plass til det heilt nødvendige.
Spegelen har stått på badegolvet i eit halvt år og i forrige veke vart det montert. Vi har venta på ein rørleggar i lang tid som skulle gjere jobben. Vi måtte før i år opne veggen på vaskerommet fordi det lukta kloakk på dette badet. Mot at vi tapetserte sjølv når veggen var lukka, fekk vi ein rørleggar til å gjere blant anna montering av spegelen her. Kan med det samme seie at kloakklukta kom av at vannlåsen i sluken på badet ikkje var reingjort skikkeleg. Det var sølt membran rundt gummiringen som gjorde at det ikkje var tett når vi trakk i do.

Dusjforhenget er frå Jysk og vart hengt opp i sommar. Det vert med ein gong litt kjekkare å dusje når ein kan lukke dusjen og varmen heng i etter at vatnet er skrudd av.

Baderomsmøbelet er kjøpt hjå Maxbo og er veldig smalt for at det skulle passe. Eg leita lenge etter ein vask som passa inn her. Spegelen er frå Ikea og lampen som har stikkontakt er kjøpt hjå Lyshuset i Åsane. Persienna vart hengt opp i sommar etter lang tid med fundering på korleis det skulle gjerast (kjøpt på Jysk). Verken eg eller Espen forsto brukarrettleiinga, men heldigvis hadde vi bestefaren til Espen som løyste problemet. Det er veldig flott med eit stort vindauge på dette badet. Her kan vi sitte på do og sjå på skogen og fjellet. Vi har ingen naboar, men vi måtte ha ei persienne likevel. Ikkje alle gjestane var like komfortable...

Bileter frå huset

Det har vore ei fantastisk helg vèrmessig med sol, blå himmel og smeltande grader. Eg går ikkje på ski sjølv i år dessverre, men andre har gjort det og det utanfor huset vårt til og med. Når det kom folk på ski og banka på døra vår, ja då kjendes det ut som vi budde på høgfjellet.
Tenkte å vise dokke litt utsiktsbileter frå huset. Dei fleste romma innandørs er rotete og kaotisk, mens snøen har dekt kaoset ute. Over ser dokke utsikta vår frå stova, soverommet vårt og loftstova.

Det kjekke på soverommet vårt er sengegavlen vår. Eit lite vindauge kor vi ser Valstrand by night. Emil demonstrerer her korleis vi har det om kvelden.

Her er utsikta frå rommet til Malin. Den einaste sida vi ser naboar. Det er greit å verte minna på at vi er ein del av sivilisasjonen av og til. I det kvite huset bur oldefaren til Malin. Det raude huset er barndomsheimen til Espen.

Sitt du på do nede ser du dette. Vi har ikkje skaffa gardiner og det er derfor ein liten risiko for å verte sett dersom det kjem besøk. No når vegen er uframkomeleg med bil, er det ikkje så mange som tek turen opp. Iallefall ikkje før dei har sagt ifrå.

Badet oppe har også eit lite vindauge.

Vi har fått oss nye spisestolar. Mamma har sjenka oss dei i innflytningsgåve. Bordet som vi kjøpte når vi budde trangt og lite har endeleg kome til sin rett. Ikkje alt er ferdig på kjøkkenet enno. Vi har ikkje flislagt over benken og benkeplata er ikkje olja. Gleder meg også til vi får gardiner, no er det ganske nakent her.

Badet oppe.

Eg og Espen monterte skuffene for to dagar sidan. Ting tek nokon gongar litt tid. Vi er litt lei no. Spegelen manglar, men det er fordi IKEA hadde ikkje spegelen i den størrelsen inne. Dusjveggane skal også monterast når vi kjenner for det.

Malin i kjent stilling. No er det to veker sidan ho brakk foten, men ho går ikkje på den enno. Ho er heilt frisk, men ho tørr rett og slett ikkje. Det er ganske slitsomt og frustrerande, så har nokon eit godt råd til kva vi skal gjere så kom med det!

Mykje som gjenstår....

Dagens hendingar i huset (så langt)

Pappa og André har jobba med kjøkkenet idag. Eg ba André om å ta eit bilete av kva som har skjedd iløpet av dagen sidan eg ikkje har moglegheit til å ta meg ein tur å sjå sjølv.
Kjøkkenet har alle modulane utanom vifteskapet på plass. Dei har også montert ein del skuffer.

Bilete av vaskeromsgolvet. Det vart ferdig igår.

Badegolvet, nesten ferdig. Han gjorde seg vel ferdig etter at pappa og André reiste heim for litt middag. No har dei tatt turen oppi huset igjen. Espen har kjøpt laminaten som skal vere oppe på loftet så var snakk om at golvet skulle byrjas på også. Morten (kamerat av Espen) kjem og skal hjelpe så då er det greit å fordele arbeidskrafta i fleire rom.

Våre flisevalg

Fliser er noko av det vanskelegaste å avgjerde. Dersom ein vel feil farge på veggen kan ein berre male det omatt, mens fliser skal henge på veggen i 20-30 år. Vi fekk kort varsel på å kjøpe flisene (les forrige innlegg) sjølv om vi visste kva stil vi ville ha.
Flisene over er kjøpt på Megaflis og heiter Mega Bone. Dei er 25x40 cm og skal vere på veggen på badet oppe. Dei har litt striper i seg om ei studerer bilete nøye. Prisen er 89,- kr kvm. Ikkje noko å seie på det.

Flisene på badeveggen nede er 11,8x33 cm og er heilt kvite og blanke. Dei er også kjøpt på Megaflis og kostar kr 89,- kvm. Dei skal leggast i mursteinsmønster.

Vi ville ha samme type fliser på badet, vaskerommet og gangen nede. Derfor valgte vi desse som er 15x15 cm på vaskerommet og badet. Vi var avhengige av å finne små fliser fordi badet berre er 3,7 kvm. Flisene er kjøpt på First Price Tiles, dei heiter Eivissa Carbón og kostar 239,90 pr kvm.

I gangen fortsett vi med Eivissa Carbón, men denne gongen i størrelse 30x60 sidan det ikkje er sluk eller anna i dette rommet. Kvadratmeterprisen er kr 199,90.

Golvet oppe var vel det som var vanskelegast. Vi har eit stort bad, men vi har fleire slukar og måtte derfor velje fliser som ikkje var så store. Vi fant nokre fliser i 30x30 som var kjempefine og sto bra til veggflisene, men dei var dessverre utsolgt. Flisene over var det beste vi kunne finne, og eg vil nok tilslutt forsone meg med valget. Flisene er kjøpt på First Price Tiles, kostar kr 169,90 pr kvm og heiter Diamond Black Mate. Størrelsen er 20x20.

Unngå dobbel diffusjonssperre på badet!

Eg hadde vel aldri høyrt om dobbel diffusjonssperre før det oppsto fagleg usemje mellom flisleggjar og byggefirmaet. Kort fortalt er det to sperrer i ytterveggen som hindrer absorbering av dampen. I vårt tilfelle var det lagt plast bak gipsen i tillegg til at det skal smørast heildekkande membran. På denne måten oppstår det kondens i gipsen som ligg i mellom sperrene, gipsen vil smuldre, og det vil oppstå muggdanning som igjen fører til at badet må etter kort tid rehabiliterast.

Flisleggjar hadde på førehand sagt at det ikkje måtte leggjast plast i ytterveggane, men byggjefirmaet sto på sitt. Når då flisleggjaren nekta å flisleggje fordi han vart ansvarleg om noko skulle skje, byrja konflikten. Dette er omlag tre veker sidan.

Vi har vore i kontakt med Fagrådet for Våtrom som seier at dobbel diffusjonstetting i våtrom skal ikkje nyttast. Vidare sa dei at konstruksjonen er ikkje i tråd med Teknisk forskrift, Byggebransjens våtromsnorm eller Byggdetaljene til SINTEF.Til slutt skreiv han i mailen: Husfirma har her ikke oppdatert kunnskap. Det var som å tenne bensin på bålet!

Den tekniske ansvarlege i byggefirmaet likte tydeligvis ikkje det Fagrådet hadde sagt. Og han sendte mail til Fagrådet: Jeg synes det er noe underlig at De uttaler Dem så bastant på en slik henvendelse, uten å ta i betraktning følgende forhold:

1. Hvor i teknisk forskrift står det at det ikke skal brukes dobbel diffusjonssperre?

2. Våtromsnormen er en norm, ikke et krav.

3. Byggforsk sine byggdetaljer er akseptert som preakseptert løsning, og det trengs ingen ytterligere dokumentasjon for å bekrefte prosjekteringen.

Til Deres orientering kan jeg opplyse at vi leverer bad klar for egeninnsats med plastfolie på yttervegger under platekledning. I de tilfeller hvor kunden skal ha fliser, anbefaler vi kunden å smøre membran i våtsoner. Dette har fungert tilfredstillende i mer enn 15 år. Vi leverer årlig ca 50 - 80 eneboliger, og har til dags dato ikke hatt en eneste skade som skyldes dobbel diffusjonssperre. Vi ønsker en tilbakemelding på punkt 1 -3 over.

Fagrådet hadde vist til § 8-37 i Teknisk Forskrift.

Bakenforliggende konstruksjoner og rom som kan påvirkes negativt av fukt skal være beskyttet av et vanntett overflatemateriale eller et egnet vanntett skikt. Materialer velges slik at faren for mugg- og soppdannelse er minimal.

Sidan det ikkje står svart på kvitt at det ikkje skal nyttast plast, var ikkje svaret godt nok for byggefirmaet. Byggebransjen idag nyttar vanlegvis våtromsnormen kor dette står godt skrive, men sidan den ikkje er lovpålagt kunne byggefirmaet seie følgjande på mail:

Vi innestår for de løsninger vi har valgt. Vi gir full garanti på våre arbeider og prosjekterte løsninger.

Når vi då ikkje kom nokon veg med det som alle andre meiner er riktig å gjere utanom dette firmaet, ba vi om eit møte og ba samstundes om at dei måtte dokumentere at deira metode var i henhold til Teknisk Forskrift (anbefalt av Fagrådet for Våtrom). Samstundes tok eg kontakt med SINTEF Byggforsk som viste til at i SINTEF sine byggedetaljer står dette skrive, men at det ikkje står meir enn det som allereie er sagt i Teknisk Forskrift.

Det endte med at byggefirmaet avlyste møtet og sa at dei skulle fjerne plasten. Eg trur at på eit tidspunkt forsto dei at dei kom ingen veg (utan at dei innrømte det så klart). Alt dette styret hadde vore unngått om dei berre hadde høyrt på flisleggjaren i utgangspunktet. Fordelen er einaste at vi har lært veldig mykje om dette medan konflikten har pågått. No kan vi endeleg tenkje på fliser igjen og faktisk handle inn det vi skal ha. Flisleggjaren byrjar arbeidet 10.januar, og gleder oss med den kjensla at ting no vert gjort riktig.

• Byggebransjens våtromsnorm (BVN) er et verktøy for å planlegge og utføre arbeid i våtrom. BVN utgis både som perm, på CD og som web-versjon.
  
• BVN er utviklet av bransjen selv ved Fagrådet for våtrom (FFV).
  
• Normen kan brukes både ved nybygging og rehabilitering.
  
• BVN skal bidra til at de løsningene og materialene som brukes og det arbeidet som utføres, har en så høy standard at man oppnår vannskadesikre våtrom med gode planløsninger og lang levetid.
  
• BVN er tilpasset de lover, forskrifter og Norsk Standard som til enhver tid gjelder.
  
• BVN angir tekniske retningslinjer for hvordan materialer og produkter skal godkjennes, og på hvilken måte arbeidet skal utføres, samt rekkefølgen av arbeidene og kontrollprosedyrene.

Videreutvikling og oppdatering av BVN skjer i samarbeid med SINTEF Byggforsk. Det sendes ut årlige oppdateringer av normen (bilde og tekst frå www.ffv.no)

Planlegging av bad

Det vanskelegaste rommet i huset å planlegge er badet. Badet er dyrt å pusse opp og stilen skal derfor halde i 20-30 år. Derfor kan ein ikkje følge motar og trendar, men få til eit bad som er nøytralt, men samstundes personleg. Å lansere idear på bloggen gjer eg rett og slett fordi eg må samle alle tankar og idear ein stad. Bileter som appellerer til meg vert også tatt med her.

Dette flisemønsteret var ganske vanleg for eit par år sidan. Har sett at nokon kaller mønsteret for subway. Når vi pussa opp badet i forrige bustad, ønskte eg meg veldig slike fliser. Fordi vi ikkje skulle verte buandes der, valgte vi ei rimelegare løysing. No kan vi investere litt meir i flisene, og eg likar framleis kvite fliser i størrelse 10x30. Tenkte først på blanke fliser for reingjeringa sin del, men trur det vert finare med matte. Det gir eit dusare og varmare inntrykk. Golvflisene er eg og Espen litt ueinig om, men nokre kompromisse må eg inngå og det vert vel ein varm, lys gråfarge på golvet. Men ingenting er avgjort enno så vi får sjå kva vi endar opp med.

Elles så skal vi ha hjørnebadekar, vegghengt toalett, dusjhjørne og baderomsmøblar frå Maxbo. Vi valgte Maxbo fordi det var halv pris av det vi måtte gi på ei baderomsforretning. Vi skal ha vask og benkeflate i eitt, 120 cm lang og to store skuffer under i kvitt. Eg er lei av å leite etter det eg skal ha innerst i skapet til ei kvar tid slik at eg må rydde i systemet støtt og stadig. Eg har vel kome til at stilen på badet fell på kva interiør eg vel. Legg merke til at eg seier "eg", det er nok eg som har sterkast meining om akkurat dette... Bileta under viser ulike bad, men dei gir alle meg den rette kjensla. Så får du avgjere om du har funne ut av stilen min eller ei.

Eg vil gjerne ha ro, kvile og avslapningskjensle på badet. Litt skandinavisk spa i reint uttrykk. Ikkje lett å forklare...

Badet skal vere lyst, innbydande og reint. Eg likar den litt landlige stilen noko som passar til huset og omgivnadane. Utsikta frå badet vårt er skog og morgonsol.

Dette biletet viser den romantiske delen av badet. Det kjem nok aldri løveføter på vårt bad, det er for upraktisk, men eg likar levande lys, duse fargar og nostalgi. Blåfargen på veggen likte eg veldig godt.

Dette viser sommar og sol. Reint, lyst, natur og sydeuropeisk. Eg vil gjerne ha litt av dette når det er grått og vått ute, og kvardagen er hektisk og langt frå Sydeuropa.

IKEA, ein favoritt for lommeboka

Vi er i gang med planlegging av huset innvendes. Vi skal sende byggjesøknaden innan 1.mai og så fort vi underteiknar huskontrakten, skal arbeidsteikningane lagast. På torsdag var vi på Askøy ved Florvåg Bruk sitt hovedkontor der dei har avdelingar for kjøkken, peis, fliser, golv, elektrikar og rørleggjar. Vi skulle ikkje bestemme oss den dagen, men det kjentes slik ut når vi peikte ut fliser, peis osv. Dette var mest for å sjå kor dyrt alt vil verte tilslutt. Vi fekk med oss ein del katalogar på baderomsmøblar, servantar, dusj og kraner, og no kjem eg til det eg vil skrive om idag.

.

Eg er ein person som likar å få mest mogleg ut av pengane (er tross alt Sunnmøring...). Eg ser på kilopris når eg vel matvarer, eg undersøkjer prisar ved fleire butikkar på same produkt før eg handlar og det har eg også gjort no når eg har samanlikna baderomsmøblar. Eg har her tatt utgangspunkt i eit møbel som er klassisk, enkelt og noko dei fleste har. Det er ikkje noko eg sjølv ville ha valgt, men no er det berre for å sammanlikne at eg tar utgangspunkt i dette servantskapet.

På biletet ser dokke skapet frå Ifö. Vasken, handtaka og krana er ikkje inkludert. Berre skroget og dørene. Alle leverandørar har lik lengde og breidde. Eg har samanlikna prisen hjå Ifö, Fossbad, Porsgrund og IKEA. Her er testresultatet:

.

Ifö: Vasken er 48 cm djup og kostar kr 3.133,-

Fossbad: Vasken er 45 cm og du må betale kr 2.739,-.

Porsgrund: Skapet kostar kr 3.175,- og vasken er 47 cm djup.

IKEA: Prisen er kr 460,-, men vasken er berre 38 cm djup.

.

Utifrå dette er IKEA definitivt rimeligast. Prisen er over 2000 kroner rimeligare enn dei andre alternativa. Vasken er derimot opptil 10 cm mindre djup enn den djupaste. Eg for min del foretrekk å bruke 2000 kroner på noko anna og heller ha ein vask som er litt mindre. Eg skal verken vaske opp eller bade i vasken, og ikkje har eg så store hender at dei ikkje får plass ned i vasken heller.

.

Takk IKEA for at dokke gjer mitt økonomiske samvit litt betre når eg handlar hjå dokke.