torsdag 17. september 2009

Planlegging av bad

Det vanskelegaste rommet i huset å planlegge er badet. Badet er dyrt å pusse opp og stilen skal derfor halde i 20-30 år. Derfor kan ein ikkje følge motar og trendar, men få til eit bad som er nøytralt, men samstundes personleg. Å lansere idear på bloggen gjer eg rett og slett fordi eg må samle alle tankar og idear ein stad. Bileter som appellerer til meg vert også tatt med her.

Dette flisemønsteret var ganske vanleg for eit par år sidan. Har sett at nokon kaller mønsteret for subway. Når vi pussa opp badet i forrige bustad, ønskte eg meg veldig slike fliser. Fordi vi ikkje skulle verte buandes der, valgte vi ei rimelegare løysing. No kan vi investere litt meir i flisene, og eg likar framleis kvite fliser i størrelse 10x30. Tenkte først på blanke fliser for reingjeringa sin del, men trur det vert finare med matte. Det gir eit dusare og varmare inntrykk. Golvflisene er eg og Espen litt ueinig om, men nokre kompromisse må eg inngå og det vert vel ein varm, lys gråfarge på golvet. Men ingenting er avgjort enno så vi får sjå kva vi endar opp med.

Elles så skal vi ha hjørnebadekar, vegghengt toalett, dusjhjørne og baderomsmøblar frå Maxbo. Vi valgte Maxbo fordi det var halv pris av det vi måtte gi på ei baderomsforretning. Vi skal ha vask og benkeflate i eitt, 120 cm lang og to store skuffer under i kvitt. Eg er lei av å leite etter det eg skal ha innerst i skapet til ei kvar tid slik at eg må rydde i systemet støtt og stadig. Eg har vel kome til at stilen på badet fell på kva interiør eg vel. Legg merke til at eg seier "eg", det er nok eg som har sterkast meining om akkurat dette... Bileta under viser ulike bad, men dei gir alle meg den rette kjensla. Så får du avgjere om du har funne ut av stilen min eller ei.

Eg vil gjerne ha ro, kvile og avslapningskjensle på badet. Litt skandinavisk spa i reint uttrykk. Ikkje lett å forklare...
Badet skal vere lyst, innbydande og reint. Eg likar den litt landlige stilen noko som passar til huset og omgivnadane. Utsikta frå badet vårt er skog og morgonsol.
Dette biletet viser den romantiske delen av badet. Det kjem nok aldri løveføter på vårt bad, det er for upraktisk, men eg likar levande lys, duse fargar og nostalgi. Blåfargen på veggen likte eg veldig godt.
Dette viser sommar og sol. Reint, lyst, natur og sydeuropeisk. Eg vil gjerne ha litt av dette når det er grått og vått ute, og kvardagen er hektisk og langt frå Sydeuropa.

3 kommentarer:

Anonym sa...

På mitt bad skal ej i allefall aldri velge kvite flise på golvet!! Ligge det et hår på golvet so vise det med en gong;)So med andre ord, gler ej mej til den gong me skal pusse opp vårt bad;) he he

Helsing fra Siv

Creative By Helena sa...

Heisann!! Takk for hilsen på bloggen min!! Vi holder også på med å planlegge baderommene nå. Og idag har jeg sett på hvite avlange fliser 90*30.... (litt sprø jeg, hehe) Har dere sett på butikken på Spelhaugen "Right Price Tiles"?? det er utrolig billig der i forhold til andre flise-butikker, og masse fine utstillinger. Jeg var f.eks først å så på to favoritt-fliser til 750,- og 650,- kvm... så gikk jeg her og her kostet noen ganske like 150,- og 200,- kvm... Bare et lite tips fra meg;-) Pent hus dere bygger, ligner litt det jeg bor i i dag..
Hilsen Helena

Creative By Helena sa...

Hei igjen!!
Jeg spurte de som jobber på RP tiles, om hvorfor de kunne være så billigere enn alle andre; de svarte at det blandt annet var pga at de f.eks hadde enklere lokaler, egne sjåfører, og store kvantum.... Og at flis er flis uansett hvor de blir kjøpt... Men det gjenstår nå å se ;-)
Håper du finner på noe nytt til baderommet ditt da... eller klarer å overbevise din kjære ;-)

Helena