søndag 30. august 2009

Fru Chiquita flyttar igjen

For dei som kjenner meg og Espen kjem vel ikkje dette som ei bombe: Vi flyttar. Denne gongen nokre hundre meter oppi byggjefeltet. Eg har eit nært, men anstrengt forhold til banankasser nettopp fordi vi har flytta så mykje. Dette er 10.gongen på 6 år! Eg tek vare på banankassene mellom kvar gong vi flyttar så både Chiquita, Dole og First Price har fått reist litt dei siste åra. Eg er mildt sagt lei av å flytte, men denne gongen hadde vi ikkje så mykje vi skulle ha sagt då ho som eig leiligheita skal flytte tilbake.
Det hadde vore kjekt å sleppe å flytte no når det berre er omlag sju månadar til vi flyttar inn i nyehuset vårt. Eg har denne gongen forenkla det veldig. Alle bøker, filmar, cd'ar,klede, pynt, kjøkkenutstyr og diverse som eg meiner vi ikkje har bruk for før april, er no pakka ned og lagt på lager hjå bestefaren til Espen. Vi har vel minst likemykje eigendelar der som vi har kor vi bur. No håpar eg berre det er ein siste gong til før eg kan kaste banankassene for evig og alltid. Likevel takkar eg alle som tek seg ein banan og som på den måten har bidratt til at vi har enkle kasser å stable og flytte.
Heilt utruleg kva ein samlar på i desse kassene. Det er mykje vi eig som eg berre ser når vi flyttar. Her er eit bilete tatt på Malin sitt rom. Ho har flytta inn til oss medan hennar rom er lager. Bileta er tatt tidleg idag, så det meste er vekk no då vi har fått nøkkel til leiligheita og fire lass er reist avgårde.
Sjølvsagt skulle det høljeregne når vi skulle flytte. Har ikkje sett så mykje vatn komande frå himmelen på ein gong på veldig lenge. Malin fekk på seg regndressen i alt kaoset, det er så vidt ho ser noko under hetta. Det regna så mykje at eg måtte forte meg å ta eit bilete. Det viser vel ikkje kor mykje vatn i sekundet som eigentleg traff bakken. Vi er framleis ikkje ferdige, vi flyttar inn imorgon. Det som er litt stress oppi alt dette her, er at huset skal røysast neste veke. Mykje som skal koordinerast på byggjefronten i tillegg til flyttinga, så det vert ikkje mykje å høyre frå meg i bloggen nokre dagar til.

2 kommentarer:

Anonym sa...

Kjedelig å flytte:) me reiste ned igjen til Bergen i går, og ja vindusvikarane sto på full guffe omtrent heile vegen:( travelt ja!!

Kjekt å vere i Volda en tur:)

Lurte på om du kunne ta med ned igjen filmkameraet våra ned igjen når dokke skal opp til Volda om 1 mnd tid:)

Helsing fra Siv

Evelyn sa...

Hei :) ja de e kjedelig å flytte slik som dere gjør.. men får håpe at de e siste gangen nå da..

Lurt å sortere ut noe som en ikke tror en har bruk for nå å sette de på lager te en kommer seg inn i ny huset. Kjekke disse banan kassene hihi :)

Du lurte på hvor jeg egentlig bor.. hører vell egentlig te på nordmøre vi da.. i eide kommune.. her bor vi på en liten plass som hete Lyngstad / visnes. Vi he 45 minutter å kjøre te Molde.. og litt en time ca te Kristiansund. Enten via Averøya og ferge eller over Krifast der de e landfast.

Ha en flott dag :)

Klæm