I alle mine år som strikkar har eg kjøpt garn på impuls. Det har vore umogleg å "berre kike" når eg har vore innom ein garnbutikk og det har resultert i mange nøster som aldri har vorte brukt. Då eg skulle flytte i nytt hus tenkte eg at eg ikkje hadde bruk for eller plass til alt garnet, heller var ikkje garnet like moderne lenger, så eg kasta og ga vekk masse. Til slutt satt eg med ei lita samling som eg har hatt som prosjekt å strikke opp.
Eg har vore ganske så flink etter mitt syn. Eg har knapt kjøpt nytt garn det siste året, men no er det nok. Over ser dokke bilete av mitt første prosjekt kor eg mangle pittelitt garn til å verte ferdig. Sjølvsagt eit garn som hadde gått ut av produksjon og som ikkje fans i ein einaste butikk i heile Noreg (ja eg har undersøkt).
Så skulle eg strikke ein babytjukkegensar etter oppskrift frå eige hovud. Her manglar eg eit nøste. Panda Pt er framleis i produksjon, men eg må visst ta meg ein dagstur ein eller annan stad for å få tak i det. Eg var blant anna innom ein garnbutikk på Åsane senter og han hadde ikkje hørt om Pt eingong! Kva gir du meg?! 
Og no, noko så enkelt som eit par sokkar med garn frå Rema 1000 av alle ting. Mangla som dokke ser litt her og. Aldri i verda om eg gidd å finne eit nøste til av dette garnet, eg vert berre sur. Så no vert det ikkje sokkar til mamma til jul, og eg skal ha som nyttårsforsett at eg skal frotse i garn i 2012. Kanskje ikkje like impulsivt som i gamledagar, men utan tanke på å vere fornuftig. Eg kjenner eg gler meg.
2 kommentarer:
hihihihi ;) du er kul! Og flink å strikka. Skjønnar godt du er frustrert ;)
Hi hi hi! Sånt er kjekt ja! Virkelig......husker jeg hadde mang en restegarngenser da jeg var liten! Spesielt sånne is ånt skikkelig loddent syntetisk garn og lekre 80-talls farger.....jippi! Jeg må innrømme at jeg misunner deg som klarer å strikke slike ting som genser osv, jeg har ikke helt skjønt meg på dette med felling og slikt enda, så jeg holder meg til tre - og firkanta ting så jeg slipper å telle, regne og rekke opp....
Legg inn en kommentar