tirsdag 21. juni 2011

På hagevandring

Eg har vore så heldig at eg har fått besøke ein flott hage her i bygda. Vèret har vore upåklageleg idag så det passa fint. Eg har ikkje tatt mange bileter på rundturen, det er ikkje det eg har mest lyst til på ei slik vandring, men her er nokre få bileter som gir eit bilete av korleis det er der.
Hagen har fin utsikt og kveldsol. Tomta er stor og lun. I enden av tomta har dei som bur her bygd eit oransjeri, ei blanding av stove og drivhus, som er riktig så koseleg uansett vèr. Mange gamle stauder, roser og busker prega tomta i tillegg til ein del grønnsaker. Desse elskar hagen sin, det er sikkert.
Nokre flotte høner hadde dei hønsehuset, blant anna silkehøner. Hagen er på fleire nivå og arealet er nytta godt. Mange sjarmerande detaljar som dei har samla og bygd gjennom åra.
Ein vakker dam med ei lita elv som renn ned til ein større dam med ei lita fontene. Litt arbeid som har vorte nedlagt, men resultatet syner at det var verdt det.
Den skarpe kveldssola gjer at bileta er ikkje heilt optimale. Men eg kan seie at det har vore ei flott oppleving som ga mykje inspirasjon og motivasjon. Det er akkurat dette eg og Espen drøymer om. Vi manglar tid, vi manglar pengar, men vi skal få det til tilslutt.

3 kommentarer:

Lina sa...

Så koselig, Torill :)

Bakketun sa...

Nydelig hage!

Klem, Christel

Fjordlykke sa...

En nydelig hage! Jeg er helt sikker på at deres blir like flott med tiden. Dette været vi har hatt har helt tatt knekken på alt som kan ligne på hage hos oss.
Denne sommeren har jeg gitt opp:)

Nå skal jeg bare ligge under en palme på Rhodos:)

God sommer til deg! Vinker fra andre siden av fjorden:)
Klem!