Det er ikkje noko tvil om at vi har kome til april. Dagane er lyse, fuglane syng og trea har fått knoppar. Små blomar knoppar og sprett, ja det er ei fin tid vi er i no. Borna må framleis kle seg godt, men dei varmaste huene er mindre i bruk. Den tjukke vinterdressen får også kvile.
På fredag fekk Emil sin første sykkel. Litt stor enno, men den passar nok iløpet av sommaren. Sykkel er eit sikkert vårteikn. Vi ser mange som er ute å syklar for tida.
Malin har og fått seg ny sykkel, men det får eg vise ein annan dag. Emil er iallefall stolt over sykkelen sin sjølv om han har litt å lære før han forstår seg på det.
Kvitveisen har endeleg kome på garden, men dei er framleis små. Desse plukka Malin bak bensinstasjonen medan vi venta på at bilen skulle få seg ein vask (også eit vårteikn). Litt større og enklare å plukke. Ungane likar så godt å plukke blomar, det er så koseleg synest eg.
No står buketten på stovebordet. Den varer så kort at vi må nyte den medan vi kan. Imorgon skal eg gå å kikke meg rundt etter fleire vårteikn. Eg legg meir merke til små ting om våren enn om sommaren. Kanskje fordi det ikkje er så mange av dei enno?
Ha ei fin veke alle saman.
3 kommentarer:
Ha ha, likte så godt bildet av jenta di med blomsterbukett:)
Så herleg innlegg! :) Nyyydeleg bilete av Malin med kvitveisbukett ♥
Åja, vårteikn overalt! :D elsk!
Ha ei fin veka du og :)
Hei Torill :)
Så herlige bilder ღ Skjønne Malin med vakre hvitveis, og Emil på sin nye sykkel ღ Må bare være fantastisk å være barn og få lov til å være ute og ha det kjekt ღ Og ja, det er så deilig med varmere, og lysere dager :)) - fantastisk :)) Ønsker deg en flott uke som kommer. Klem fra Mette
Legg inn en kommentar