fredag 6. april 2012

På skattejakt ein vakker langfredag

Det var deilig at sola ville kome tilbake etter ein dag med regn. Humøret til store og små stig betrakteleg når det er fint vèr. Sidan det er langfredag har det gått stille for seg, men vi har kost oss. Etter nokre timar inne kunne vi ta turen ut. Det er så kaldt om morgonen at vi lar formiddagen passere inne. Malin trena seg på å hoppe tau medan Emil leika med tog. Då vi kom ut tok Espen til med kløyving av ved. Ungane har dissa/reia, sparka ball og vi har vore på skattejakt.
Med skattejakt meiner vi jakt på små ting i naturen. Vi tek turen i marka og skogen rundt huset og leitar etter noko nytt. Emil synest dette er kjempespennande. Han har fascinert seg over gule blomar som eg har sagt før, og desse minipåskeliljene stoppar han alltid opp for å sjå litt ekstra på. Desse planta eg ved innkjørselen slik at alle som kjem på besøk vert møtt av gule, vakre påskeliljer.
Kvitveisen har byrja å slå knopp, men der var ein bitteliten kvitveis som hadde sett dagens ljos. Emil og Malin studerte den nøye og Emil  sa "skatt". Den måtte plukkast og studerast. Vi fant også nøtter i mosen som ingen hadde ete og dei måtte knusast med stein for å sjå om det var noko spennande inni.
Ein liten stemorsblome har overlevd vinteren. "Lilla!" seier Emil. "Sommerfuglblomst!" seier Malin. Utruleg vakker blome om ein studerer den.
Soleiehov eller bekkeblom, kan det stemme? Søt, lita plante som eg ikkje trudde hadde overlevd flyttinga ifjor.

Vi har og vore på skattejakt rundt huset for å leite etter boss. Vinden tek med seg plast, klede og flasker som vert liggande gjennom vinteren. Ungane synest det er kjempekjekt å finne slike ting. Det skal ikkje så mykje til for at ungane skal kose seg ute. Malin har og hatt teater og sunge sangar som ho dikta sjølv. Scena er ein stein og mikrofonen er ei kongle.  Litt anna har vi og fått gjort. Ein kjekk dag!

2 kommentarer:

MissMette sa...

Hei Torill :)
Hørtes ut som en fantastisk dag dere har hatt ღ...og ser at det går fremover med garasjen, så kjekt :) Det jeg ikke kunne spise på denne ostekaken var bunnen, men ellers smakte jeg på det som var inni :)) Jeg må holde meg unna forskjellige melprodukter, glutenfrie også - samt mandler, solsikke osv... Det jeg kan spise er kokosmel :) Har ikke kommet så langt at jeg har laget noe av dette ennå, da jeg har funnet en oppskrift på brød, som heter proteinbrød :) Skal lage innlegg om det om en stund... Men, målet er å holde meg unna div mat for så sakte men sikkert innføre det tilbake - om en stund :) Vi får se hvordan det går fremover... Ønsker deg en fortsatt god påske og tusen takk for alltid så koselig ord på bloggen min ღ Stor klem fra Mette

re:signert sa...

JOda jeg har landet :-) Takk for det. Ha en fin etterpåsek uke!! Mvh Signe