mandag 20. august 2007

Aud-Marte og Ola har gifta seg

Det har vore bryllaup i helga, og eg har vore forlovar. Vigselen var i Volda kyrkje og festen på Nordfjordeid folkehøgskule. Det var ein flott seremoni og ein hyggeleg fest. Brudeparet reiser imorgon til Thailand på bryllupsreise i to veker. Ein velfortjent tur.

Været var ikkje på topp denne dagen. Det regna og blåste, og det gjekk ikkje an å vere ute. Det seiast at det betyr lykke å få regn i sløret, så dette ekteskapet lovar bra.


Vi måtte køyre eit stykke for å kome til festen etter vigselen, men når bilen er ein flott gamal Citroën, så gjer vel ikkje det noko??
Eit bilete av forlovar, brud og Bjørg. Vi tre var som erteris på heile ungdomsskulen og gymnaset og er gode venninner framleis. Eg har litt problemer med å legge ut bilete av meg sjølv i den tilstanden eg er i, men denne dagen var eg pynta til fest slik at det ikkje viser like godt kor sliten eg eigentleg er. For dokke som lurer så er det under 4 veker til termin.

Ingen kommentarer: